18 de setembro de 2018

Restringido   Contacto  Engador a Favoritos

Inicio

AGRUPACIÓN SOCIALISTA DE SILLEDA

 


Home / ESTOXO / 2010 / PSOE E BNG, FARÁN FRONTE COMÚN PARA ESIX

2010

PSOE E BNG, FARÁN FRONTE COMÚN PARA ESIXIR Á CONSELLERÍA DE SANIDADE, UN NOVO MÉDICO EN SILLEDA E MELLORAS SANITARIAS EN BANDEIRA.

PROPOÑERÁN AOS COLECTIVOS VECIÑAIS A CREACIÓN DUN FORO SOCIAL PARA AVALIAR A PROBLEMÁTICA MÉDICA E FIXAR ACCIÓNS PARA A SÚA SOLUCIÓN.

 

23/12/2010

 

22 de decembro de 2010.- Á  vista das declaracións do Xerente de Atención Primaria, nas que queda clara a posición da Consellería de Sanidade de que non dotarán de máis médicos ao Concello de Silleda, as forzas políticas da oposición, PSOE e BNG, puxéronse en contacto esta mañá para establecer unha fronte común de traballo para , máis aló de correntes ideolóxicas, analizar as vías axeitadas para tentar solucionar o conflicto xerado nos Centros de Saúde de Silleda e Bandeira, polo traspaso de médicos cando o que se precisaba era un facultativo máis para dar servizo a tódolos veciños de este concello.
 
Entre as accións que poñerán en marcha será propoñer  aos colectivos veciñais a necesidade de creación dun foro social dende o que se poidan dirixir as accións que axuden a solucionar este conflicto.
 

As forzas políticas,  consideran necesario a creación deste foro social en tanto o goberno municipal, deixou de ser un interlocutor válido para solucionar este conflicto con Sanidade logo de que enganara clarísimamente á cidadanía, con pretensións propagandísticas, ao facer o anuncio dun novo médico para Bandeira, esquecendo deliberadamente informar da desaparición dunha praza no de Silleda.

Convocáranse aos colectivos nos vindeiros días, esperando, ámbalas dúas forzas que se incorporen a este proceso, as dúas asociacións maioritarias Olaia e Avema, e abrindo o mesmo o resto dos colectivos veciñais que queiran ter voz neste proceso.


A postura tanto do PSOE como do BNG é coincidente en tanto se pretende levar a este foro propostas como  a demanda dun médico máis no ambulatorio de Silleda así como melloras no mesmo, a mellora das condicións do Centro de Saúde da Bandeira equipándoo e dotándoo dos servizos necesarios para que os dous facultativos poidan desenvolver a súa labor nas mellores condicións, sen esquecer tampouco a reclamación da cobertura das baixas médicas ou a mellora do servizo pediátrico.


 

 

 

 

 


E-mail: silleda@psdeg-psoe.org
Configuración óptima 1024*768 / IE, Nestcape 4.0 ó superiores y Opera